ابھی تو جوانی ہے اور کیریئر ہے

اکبر الہ آبادی کی شاعری سے متاثر ہو کر لکھے گئے اشعار۔۔۔۔۔!!!۔

ابھی تو جوانی ہے اور کیریئر ہے

 بھلا اِن مساجد میں ہم کیا کریں گے؟

جونہی کچھ ذرا بوڑھے ہونے لگے ہم

تو شوبی بس اللہ ہی اللہ کریں گے!۔

ان حالات میں کیا کریں؟

حیات انسانی کے سفر میں کچھ امتحان معمولی ہوتے ہیں جن سے انسان بخیروعافیت گزر جاتا ہے لیکن کچھ آزمائشیں شدید ہوتی ہیں جو فرد، معاشرہ اور اقوام کو ہلا کر رکھ دیتی ہیں۔ آج، جب ہر طرف انفرادی اور اجتماعی فتنوں کی کثرت ہے، کہیں مال و اولاد کے فتنے،کہیں سیاسی، لسانی اور مذہبی گروہ بندیوں کے فتنے، اندرونی و بیرونی، ملکی و بین الاقوامی فتنے
آندھی اور طوفان کی طرح بڑھ رہے ہیں۔

 
 

بشکریہ: الھدیٰ انٹرنیشنل ویلفیئر فاؤنڈیشن

نہ کوئی بندہ رہا ، نہ کوئی بندہ نواز

٭٭٭٭٭٭٭٭٭٭

ایک  ہی  صف  میں  کھڑے  ہو  گئے محمود  و  ایاز
 دوسری  صف  میں  کھڑا   ہو گیا   خودکش   بمبار
ہوا   کیا   پھر   نہ   پوچھ   میرے    بھیا   اقبا ل؟
نہ    کوئی    بندہ    رہا   ،   نہ  کوئی    بندہ   نواز
(ممتاز علی زیدی)
٭٭٭٭٭٭٭٭٭٭

طالبان اور جمائما خان

"بیویاں بھی طالبان کی طرح ہوتی ہیں کیونکہ نہ اُن کے خلاف آپریشن ہو سکتا ہےاور نہ ہی مذاکرات کامیاب ہوتے ہیں!"


عمران خان کی کتاب "طالبان اور جمائما خان" سے اقتباس

اظہار ِ محبت کیسے؟

ایک مسلمان کو حقیقی محبت اپنے رب سے ہوتی ہے۔ وہ ذات پاک جو ازل سے ابد تک قائم ہے۔ مسلمانوں کے پاس محبت کے اظہار کے لیے ایک دن پہلے سے موجود ہے اور وہ ہے عید الاضحیٰ ، جب مسلمان صرف اللہ تعالیٰ کی رضا مندی اور سنتِ ابراہیمی علیہ السلام کی پیروی میں جانور کی قربانی کرتے ہیں۔

 

 

بشکریہ: الھدیٰ انٹرنیشنل ویلفیئر فاؤنڈیشن

میرے ہیں دو ہاتھ (بچوں کی نظم)

چھوٹے بچوں کے لیے ایک اصلاحی اردو نظم۔ یہ مسلم بچوں کے لیے ایک معصومانہ دعائیہ نظم ہے جس میں اللہ سے دعا مانگی گئی ہے کہ اللہ انھیں اس بات کی توفیق دے کہ وہ اپنے جسم کے تمام اعضاء سے جو بھی کام سرانجام دیں، وہ مثبت، تعمیری اور صرف اللہ کی رضا کے لیے ہو۔ آمین

نظم کا مکمل متن نیچے بھی دیا گیا ہے۔

نظم کا مکمل متن

میرے ہیں دو ہاتھ
چھوٹے چھوٹے ہاتھ
یہ رہتے ہیں میرے ساتھ ساتھ
آؤ یہ دعا کریں
ان سے کام جو کریں
اچھے کام ہوں اور اچھا ہو انجام

میرے ہیں دو پاؤں
چھوٹے چھوٹے پاؤں
یہ چلتے ہیں میرے ساتھ ساتھ
آؤ یہ دعا کریں
سیدھی راہ پہ چلیں
نیک راہ پہ چلیں ہمارے ساتھ

میرے ہیں دو کان
چھوٹے چھوٹے کان
یہ رہتے ہیں میرے ساتھ ساتھ
آؤ یہ دعا کریں
اس سے بات جو سنیں
اچھی بات ہو اور اچھا ہو انجام

میری ایک زبان
چھوٹی سی زبان
یہ رہتی ہے میرے ساتھ ساتھ
آؤ یہ دعا کریں
اس سے بات جو کریں
سچی بات ہو اور اللہ کی ہو بات

میری ہیں دو آنکھیں
پیاری پیاری آنکھیں
یہ رہتی ہیں میرے ساتھ ساتھ
آؤ یہ دعا کریں
ان سے اچھی چیزیں جو ہم دیکھیں
ہم الحمداللہ کہیں

چنا منا دو چوزے تھے

 اردو زبان میں بچوں کی ہر دل عزیز اور دلچسپ نظم آواز اور متحرک تصاویر کی مکسنگ کے ساتھ۔۔۔۔

مکمل نظم کا متن۔۔۔

چنا منا دو چوزے تھے

اک دن دونوں گھر سے نکلے

دانہ چگنے باغ میں آئے

چنا اک دانے پہ لپکا

منے نے اک کیڑا دیکھا

پتلا پتلا لمبا لمبا

منے نے چنے کو بلایا

دونوں نے کیڑے کو پکڑا

زور سے پکڑا

زور سے کھینچا

دونوں نے مل کر زور لگایا

کیڑا باہر کھنچتا آیا

کھنچتا آیا کھنچتا آیا

باہر نکلا تو کیا دیکھا

اتنا موٹا تازہ چوہا

چنا منا ڈر کر بھاگے

چنا پیچھے منا آگے