مفت اردو ای- قاعدہ

اردو ای- قاعدہ ابتدائی اسکول کے بچوں کے لئے ایک انٹریکٹو، تفریح سے بھرپور اور تعلیمی سافٹ ویئر ہے اور بچوں کو اردو حروف سکھانے اوراردو زبان سے روشناس کرانے کا بہترین ذریعہ ہے۔یہ ایک دلچسپ، متحرک، ملٹی میڈیا ٹیوٹوریل پروگرام ہے۔ اردو ای- قاعدہ خاص طور پر نرسری یا پریپ کلاسز کے بچوں کے لئے ڈیزائن کیا گیا ہے۔ اس میں سیکھنے کے ساتھ ساتھ دلچسپی کا اتنا سامان موجود ہے کہ بچوں کے ساتھ ساتھ بڑے بھی اس سے لطف اندوز ہو سکتے ہیں۔
ونڈوز 7 میں اردو - ای قاعدہ2.0 کا انٹرفیس
اردو کے ہر حرف کو نہایت دوستانہ آواز میں متحرک اشیا ء، دلچسپ صوتی اثرات اور بہترین پس منظر موسیقی کے ساتھ سمجھایا گیا ہے۔یہ پروگرام مشکل کمانڈز سے پاک اور استعمال میں نہایت آسان ہے اور بچوں کے مزاج اور نفسیات کے مطابق تیار کیا گیا ہے۔ جیسے ہی کسی اردو حرف پر کلک کیا جاتا ہے تو اس حرف سے بننے والی شے حرکت کرتی ہے ،جس سے بچوں میں بھی دلچسپی پیدا ہوتی ہے۔ اردو ای- قاعدہ بچوں کو اردو حروف تہجی سکھانے کا ایک دلچسپ اور موثر ذریعہ ہے، جسے بچوں کے ساتھ ساتھ بڑے بھی انجوائے کر سکتے ہیں۔

اسباق

 اردو ای- قاعدہ 2.0 میں آٹھ (۸)متحرک ملٹی میڈیا اسباق شامل ہیں۔پروگرام کے پرکشش مین مینو میں ان آٹھ (۸) متحرک اسباق کے روابط موجود ہیں، جن پر کلک کر کے مطلوبہ سبق پڑھا جا سکتا ہے۔
اسباق کی ترتیب

اسباق کے نام مندرجہ ذیل ہیں۔

٭…حروف اور الفاظ

٭… بولتے حروف




٭… حروف کی بناوٹ




٭… چھوٹے بڑے حروف




٭… ‘‘ھ’’ کے حروف





٭… حرکات





٭…الفاظ اور جملے





٭…اردو گنتی



 مشقیں

اردو ای- قاعدہ میں صرف اسباق ہی موجود نہیں ہیں، بلکہ اس میں بچوں کے لئے کھیل کودکا سامان بھی موجود ہے۔ آٹھ (۸) دلچسپ گیمز یا مشقیں بھی اس برقی اردو قاعدہ میں موجود ہیں، جن سے بچے کھیل کے ساتھ ساتھ سیکھتے بھی ہیں۔ ان گیمز کو بنانے کا مقصد بچوں کو اردو حروف کی بناوٹ اور ان کی آواز کی پہچان کرانا ہے۔
مشقوں کی ترتیب


یہ آٹھ (۸)گیمز یا مشقیں مندرجہ ذیل ہیں۔

٭…لکھنا سیکھیں




٭…رنگ بھریے




٭…حروف پہچانیے




٭…ذہانت آزمائیے




٭…حروف ملوائیے




٭…حروف ڈھونڈیں




٭…سوال جواب




٭…الفاظ ڈھونڈیں


اردو ای- قاعدہ 2.0  بچوں کے لیے یقیناَ َ ایک  انمول تحفہ ہے، جس کے ذریعے وہ  کسی ٹیوشن یا استاد کے بغیر با آسانی اردو حروف تہجی سیکھ سکتے ہیں۔

Urdu E-Qaida 2.0 Demo Video







یہ سافٹ ویئر مفادِ عامہ اور فروغِ اُردو کے لیے مفت پیش کیا جا رہا ہے۔ اس سافٹ ویئر کو مزید بہتر بنانے کے لیے اپنی آراء سے ضرور آگاہ کریں تاکہ اُن کی روشنی میں اس سافٹ ویئر کو مزید بہتر بنایا جا سکے۔ شکریہ

براہِ کرم مجھے اور میرے والدین کو اپنی دعاؤں میں یاد رکھیے!۔۔۔۔جزاک اللہ خیر۔۔۔!۔

دعاؤں کا طالب: شعیب سعید شوبی

اردو ای قاعدہ2.0  ڈاؤن لوڈ کریں۔۔۔

Size: 28.13 MB
نوٹ: اگر کوئی ایک لنک کام نہ کرے تو براہِ کرم کسی دوسرے لنک سے ڈاؤن لوڈ کر لیجئے۔





مفت اردو ای- قاعدہ پہ 5 تبصرے ہو چکے ہیں

  1. ماشاءاللہ، بہت ہی عمدہ اور بہترین کاوش ہے۔ بچوں کے لئے یقیناً ایک انمول تحفہ ہے۔ آج کے اس دور میں اردو کی اسی طرح ترویج ممکن ہے۔ میں اپنے چھوٹے بہن بھائیوں کیلئے یہ سافٹ ویئر ضرور خریدنا چاہوںگا۔
    KEEP IT UP

    جواب دیںحذف کریں
    جوابات
    1. اردو ای- قاعدہ اب مفت دستیاب ہے۔ آپ جب چاہیں ڈاؤں لوڈ کر سکتے ہیں!

      حذف کریں
  2. السلام علیکم کتاب کسی بھی لنک سے ڈاؤن لوڈ نہین ہو رہی

    جواب دیںحذف کریں

اگر آپ کے کمپوٹر میں اردو کی بورڈ انسٹال نہیں ہے تو اردو میں تبصرہ کرنے کے لیے ذیل کے اردو ایڈیٹر میں تبصرہ لکھ کر اسے تبصروں کے خانے میں کاپی پیسٹ کرکے شائع کردیں۔


صفحات

Shoaib Saeed Shobi. تقویت یافتہ بذریعہ Blogger.