بکروں کا گیت
منگل, جولائی 23, 2013 Shoaib Saeed Shobi 0
میرے کزن جنید احمد کی دبئی میں شوٹ کی گئی ویڈیو، جس میں اس کا بکروں کے ساتھ مل کر گیت گانے کا مقابلہ جاری ہے۔ بعض دفعہ اگر جانور یا پرندوں کے ساتھ انٹریکشن کیا جائے اور وہ رسپونس بھی دیں تو قسم سے بڑا لطف آتا ہے اور اگر ایسے مواقع کی خوش قسمتی سے ویڈیو بھی بن جائے تو وہ ویڈیو یادگار بن جاتی ہے۔


امیری کا نشہ
ہفتہ, جولائی 20, 2013 Shoaib Saeed Shobi 0
ہمیں ہے یاد اب تک وہ لڑکپن کا زمانہ تھا
ہمارے بھائی بہنوں کے بچپن کا زمانہ تھا
بہت چھوٹا سا اک کمرہ تھا جس کی چھت ٹپکتی تھی
بڑی مشکل سے برساتوں کی ہر اک رات کٹتی تھی
سلاتی تھی کبھی بہنوں کو ماں آنچل کے چلمن میں
کبھی ابّو چُھپاتے لیتے تھے ہم کو اپنے دامن میں
کبھی یوں بھی ہُوا باندھے سبھی نے پیٹ پر پتھر
کبھی سب نےگزارہ کر لیا دو چار لقموں پر
مگر سب کو محبت کے اثر نے باندھ رکھا تھا
ہمیں مٹی کے اُس چھوٹے سے گھر نے باندھ رکھا تھا
سبھی اک دوسرے کی چاہتوں میں گھُل کے رہتے تھے
غریبی تھی مگر ہم لوگ سب مِل جُل کے رہتے تھے
----------------------------------
امیری آئی خوشحالی نے سب چہرے بدل ڈالے
فقط چہرے نہیں دِل ذہن اور جذبے بدل ڈالے
مکاں سب نے بنائے اور سب یوں گھر میں جا بیٹھے
مکانوں کی چمک میں خون کے رشتے بُھلا بیٹھے
پڑوسی غیر ہے یہ سوچ کر مسرور رہتے ہیں
بہت خوش ہیں کہ اپنے بھائیوں سےدور رہتے ہیں
غرور و تمکنت کی جھیل میں اُترے ہوئے ہیں ہم
امیری کے نشے میں اس قدر ڈوبے ہوئے ہیں ہم
کہ جُھوٹی شان کے شعلوں میں سب رشتے جلاتے ہیں
اگر ہے بھائی مفلس تو اُسے نوکر بتاتے ہیں
---------------------------------
ہمارے دیدہء پُر نم نے وہ منظر بھی دیکھا ہے
جواں ہوتے ہوئے بیٹوں کا دِل پتھر بھی دیکھا ہے
جواں ہوتے ہی اپنی الگ دنیا بنا ڈالی
سبھی بیٹوں نے اپنی جنت خود سجا ڈالی
نمایاں جن میں جنت ہے بُھلا کر ایسے قدموں کو
نئے گھر کی طرف لے کر چلے سب اپنے بچوں کو
مگر جب بوڑھی امی اور ابّو کا سوال آیا
کسی نے باپ کو رکھا کسی نے ماں کو اپنایا
کسی نےبھی نہ سوچا باپ ماں کو ساتھ رکھا جائے
اِنہیں اس عمر کی دہلیز پر تنہا نہ چھوڑا جائے
بہت پُر درد و پُر نم تھا سماں ماں باپ کی خاطر
بہت ہی سخت تھا وہ امتحاں ماں باپ کی خاطر
بہت مشکل تھا یہ لیکن الگ رہنا پڑا اُن کو
بُڑھاپے میں بھی بچھڑنے کا غم سہنا پڑا اُن کو
-----------------------------
یہ منظر دیکھ کر آنکھیں ہماری ڈُبڈبائی ہیں
وہ لکھنا چاہتے ہیں ذہن میں باتیں جو آئی ہیں
جو اب دِل کہہ رہا ہے ہم اُسے تحریر کرتے ہیں
قلم کو تیغ کرتے ہیں زباں کو تیر کرتے ہیں
وہ بیٹے کثرتِ دولت سے جن کے جسم اینٹھے ہیں
جو اپنا فرض اپنی ذمہ داری بھول بیٹھے ہیں
سبھی اُن بے حِسوں کا بُرا انجام ہونا ہے
اُنہیں تو زندگی میں ایک دن ناکام ہونا ہے
جو فطرت اُن کی ہےاُولاد میں بھی پائی جائے گی
کہانی ظلم کی اک بار پھر دہرائی جائے گی
حیا سے اُس گھڑی وہ لوگ اپنا سر جُھکا لیں گے
کہ جب اُن کے جواں بیٹے اُنہیں گھر سے نکالیں گے
طاہر فراز
رمضان کے روزے آئیں ۔۔۔۔۔ ہم جھوم جھوم جائیں
بدھ, جولائی 10, 2013 Shoaib Saeed Shobi 0
جیسا کہ آپ کو معلوم ہے کہ رحمتوں ، برکتوں اور بخششوں کی رم جھم پھوار برسنے کو ہے۔ رمضان المبارک کہ جس کے شب و روز کا ایک ایک لمحہ نہایت قیمتی ہے، کی آمد آمد ہے۔ اس بابرکت مہینے کے آغاز پر بچوں کی دو نظمیں پیش ِ خدمت ہیں۔ اُمید ہے، پسند آئیں گی۔
رمضان کے روزے آئیں ۔۔۔۔۔ ہم جھوم جھوم جائیں۔
ہم شیطان کو بھگائیں گے
استقبال رمضان ، صاف و پاکیزہ قلوب کے ساتھ
پیر, جولائی 08, 2013 Shoaib Saeed Shobi 1
اللٰھم بلغنا رمضان و بارک لنا فی شعبان
جیسا کہ آپ کو معلوم ہے کہ رحمتوں ، برکتوں اور بخششوں کی رم جھم پھوار برسنے کو ہے۔ یعنی شھر الخیر والبر ، رمضان المبارک کہ جس کے شب و روز کا ایک ایک لمحہ نہایت قیمتی ہے، کی آمد آمد ہے۔ ایسے میں ہمیں صحیح مسلم میں بیان کردہ آقا علیہ الصلاۃ والسلام کا وہ ارشاد مبارک یاد آ رہا ہے جس کا مفہوم ہے کہ بندوں کے اعمال اللہ عزوجل کی بارگاہ میں ہفتہ میں دو مرتبہ پیش کئے جاتے ہیں، پیر اور جمعرات کے دن۔ تو اللہ عزوجل اپنے مؤمن بندوں کی مغفرت فرما دیتا ہے سوائے اُن دو بندوں کے ، جو آپس میں بغض رکھتے ہوں۔۔۔ اللہ سبحانہ وتعالیٰ فرماتا ہے کہ ان دونوں کو چھوڑ دو جب تک کہ یہ آپس میں راضی نہیں ہو جاتے۔۔۔
ایسے میں رمضان المبارک میں کئے گئے قیمتی اعمال اگر ہماری آپس کی رنجشوں ، نفرتوں اور حسد کی بناء پر لٹکے رہیں اور قبولیت کی سند نہ پا سکیں تو اس سے بڑی بد نصیبی کی بات کیا ہوگی۔ کہ آقا علیہ الصلاۃ والسلام کے ارشاد کے مطابق وہ شخص برباد ہو گیا جس نے رمضان المبارک کا مہینہ پایا لیکن اپنی مغفرت نہ کروا سکا۔۔۔
تو آج ہی اپنے عزیز و اقارب ، پڑوسی ، محلہ دار اور اپنے ساتھ کام کرنے والے دوست احباب یا کوئی ریڑھی دُکان والے کہ جن کے متعلق ہمارے دل کے کسی کونے میں بھی نفرت، حسد یا بغض و کینہ وغیرہ کا شائبہ بھی ہو ، کو معاف کر کے اور ہو سکے تو ان سے رابطہ کر کے رمضان المبارک کی دلی نیک خواہشات کا اظہار فرمائیں اور روٹھے ہوئے رشتہ داروں کو منا کر صحیح معنوں میں رمضان المبارک کی برکتوں اور رحمتوں کے حقدار بن جائیں۔۔۔ وباللہ التوفیق۔۔۔
اللہ عزوجل اس رمضان المبارک کو ہم سب کی بے حساب بخشش کا ذریعہ بنا دے۔۔۔ آمین۔۔۔
جیسا کہ آپ کو معلوم ہے کہ رحمتوں ، برکتوں اور بخششوں کی رم جھم پھوار برسنے کو ہے۔ یعنی شھر الخیر والبر ، رمضان المبارک کہ جس کے شب و روز کا ایک ایک لمحہ نہایت قیمتی ہے، کی آمد آمد ہے۔ ایسے میں ہمیں صحیح مسلم میں بیان کردہ آقا علیہ الصلاۃ والسلام کا وہ ارشاد مبارک یاد آ رہا ہے جس کا مفہوم ہے کہ بندوں کے اعمال اللہ عزوجل کی بارگاہ میں ہفتہ میں دو مرتبہ پیش کئے جاتے ہیں، پیر اور جمعرات کے دن۔ تو اللہ عزوجل اپنے مؤمن بندوں کی مغفرت فرما دیتا ہے سوائے اُن دو بندوں کے ، جو آپس میں بغض رکھتے ہوں۔۔۔ اللہ سبحانہ وتعالیٰ فرماتا ہے کہ ان دونوں کو چھوڑ دو جب تک کہ یہ آپس میں راضی نہیں ہو جاتے۔۔۔
ایسے میں رمضان المبارک میں کئے گئے قیمتی اعمال اگر ہماری آپس کی رنجشوں ، نفرتوں اور حسد کی بناء پر لٹکے رہیں اور قبولیت کی سند نہ پا سکیں تو اس سے بڑی بد نصیبی کی بات کیا ہوگی۔ کہ آقا علیہ الصلاۃ والسلام کے ارشاد کے مطابق وہ شخص برباد ہو گیا جس نے رمضان المبارک کا مہینہ پایا لیکن اپنی مغفرت نہ کروا سکا۔۔۔
تو آج ہی اپنے عزیز و اقارب ، پڑوسی ، محلہ دار اور اپنے ساتھ کام کرنے والے دوست احباب یا کوئی ریڑھی دُکان والے کہ جن کے متعلق ہمارے دل کے کسی کونے میں بھی نفرت، حسد یا بغض و کینہ وغیرہ کا شائبہ بھی ہو ، کو معاف کر کے اور ہو سکے تو ان سے رابطہ کر کے رمضان المبارک کی دلی نیک خواہشات کا اظہار فرمائیں اور روٹھے ہوئے رشتہ داروں کو منا کر صحیح معنوں میں رمضان المبارک کی برکتوں اور رحمتوں کے حقدار بن جائیں۔۔۔ وباللہ التوفیق۔۔۔
اللہ عزوجل اس رمضان المبارک کو ہم سب کی بے حساب بخشش کا ذریعہ بنا دے۔۔۔ آمین۔۔۔
پینڈو ذہن والے اردو دان
ہفتہ, جون 01, 2013 Shoaib Saeed Shobi 0
آج کی نسل اردو سے کس طرح بے بہرہ ہوئی ہے ۔ ۔ ۔ ۔ ملاحظہ کیجیے
سنو یہ فخر سے اک راز بھی ہم فاش کرتے ہیں
کبھی ہم منہ بھی دھوتے تھے، مگر اب واش کرتے ہیں
تھا بچوں کے لیے بوسہ مگر اب کِس ہی کرتے ہیں
ستاتی تھیں کبھی یادیں مگر اب مِس ہی کرتے ہیں
چہل قدمی کبھی کرتے تھے اور اب واک کرتے ہیں
کبھی کرتے تھے ہم باتیں مگر اب ٹاک کرتے ہیں
کبھی جو امی ابو تھے ، وہی اب مما پاپا ہیں
دعائیں جو کبھی دیتے تھے وہ بڈھے سیاپا ہیں
کبھی جو تھا غسل خانہ ، بنا وہ باتھ روم آخر
بڑھا جو اور اک درجہ ، بنا وہ واش روم آخر
کبھی ہم بھی تھے کرتے غسل، شاور اب تو لیتے ہیں
کبھی پھول چُنتے تھے، فلاور اب تو لیتے ہیں
کبھی تو درد ہوتا تھا، مگر اب پین ہوتا ہے
پڑھائی کی جگہ پر اب تو نالج گین ہوتا ہے
ڈنر اور لنچ ہوتا ہے، کبھی کھانا بھی کھاتے تھے
بریڈ پر ہے گزارا اب، کبھی کھابے اُڑاتے تھے
کبھی ناراض ہوتے تھے، مگر اب مائنڈ کرتے ہیں
جو مسئلہ کچھ اُلجھ جائے ، سلوشن فائنڈ کرتے ہیں
جگہ صدمے کی یارو اب تو ٹیشن ، شاک لیتے ہیں
کہ "بُوہا" شٹ جو کرتے ہیں تو اس کو لاک دیتے ہیں
ہوئے ’’آزاد"‘‘جب ہم تو ’’ترقی‘‘ کرگئے آخر
جو پینڈو ذہن والے تھے، وہ سارے مر گئے آخر .
Shoaib Saeed Shobi. تقویت یافتہ بذریعہ Blogger.
نمایاں پوسٹ
اردو ای قاعدہ 2.0 مفت ڈاؤن لوڈ کریں
اردو ای- قاعدہ ابتدائی اسکول کے بچوں کے لئے ایک انٹریکٹو، تفریح سے بھرپور اور تعلیمی سافٹ ویئر ہے اور بچوں کو اردو حروف سکھانے اوراردو زبا...
فیس بک پیج لائیک کریں
میرا ویڈیو چینل دیکھیں
گزشتہ تحریریں
-
2015
(35)
- دسمبر (10)
- نومبر (7)
- اکتوبر (3)
- ستمبر (6)
- اگست (1)
- جولائی (2)
- اپریل (2)
- مارچ (1)
- فروری (2)
- جنوری (1)
-
2014
(26)
- دسمبر (1)
- نومبر (2)
- اکتوبر (2)
- ستمبر (2)
- اگست (2)
- جولائی (3)
- جون (1)
- مئی (1)
- اپریل (2)
- مارچ (5)
- فروری (3)
- جنوری (2)
نمایاں تحریریں
-
ایک چالاک لومڑی کی دلچسپ اور سبق آموز کہانی جس نے اپنی چالاکی سے ایک مشکل صورتحال سے نجات حاصل کی۔ اس کہانی سے تین سبق ملتے ہیں: 1۔...
-
یہ کہانی ہے ایک غریب لکڑہارے کی، جو امیر ہونے کے بعد مغرور ہوگیا تھا۔ یہ کہاوت تو سب نے سنی ہوگی کہ غرور کا سر نیچا۔ غرور یا بے جا فخر کرن...
-
شوگر کی بیماری سے آج کل بہت سارے لوگ بالخصوص ضعیف خواتین و حضرات زیادہ دوچار ہوجاتے ہیں۔تبوک ،سعودی عرب کورٹ کے سپریم قاضی (جج) شیخ صال...
-
تعارف مطالعہ کرنے کے لیے اور امتحان کی تیاری کرنے کے لیے کئی طرح کی حکمت عملی یا تدابیر ہوتی ہیں جو کہ کسی بھی طالب علم کی ذاتی پسند یا ...
-
حال ہی میں زیب ملیح آبادی کی تصنیف سیرتِ حضرت علی کرم اللہ وجہہ میں خوارج کا باب پڑھنے کا اتفاق ہوا۔ خوارج کی بے حسی، مذہبی جنونیت، ظل...
-
بچوں کے لیے ایک بوڑھے کسان کی سبق آموز آڈیو ویڈیو کلاسیکل کہانی جس نے اپنے تین بیٹوں کی نااتفاقی کو دور کرنے کے لیے ایک انوکھی ترکیب آزمائ...
-
بچوں کے لیے ایک مغرور خرگوش کی کلاسیکی کہانی جو ایک سست رفتار خرگوش کا مزاق اڑایا کرتا تھا۔ انٹرنیٹ پر اردو زبان میں بچوں کی آڈیو ویڈیو کہ...
-
صوفی غلام مصطفٰی تبسم کی یہ وہ سدا بہار نظم ہے جو بچپن میں ہم یاد کر کے گایا کرتے تھے۔ آج بھی یہ اتنی ہی مشہورہے جتنی پہلے تھی۔ اس نظم کو...
-
ایک بچے نے ملّا دو پیازہ سے پوچھا: جناب ایک بات تو بتائیں کہ انڈے میں سے چوزہ کیسے نکل آتا ہے؟ ملّا دو پیازہ جواباً بولے: میاں، میں تو ی...
-
ہم اپنے آس پاس بے شمار لوگ دیکھتے ہیں، جو شکل و صورت، عادت و اطوار اور رہن سہن کے علاوہ اپنے اپنے ذریعہ روزگار میں بھی ایک دوسرے سے مختلف ...








