قرآن سے رشتہ توڑ دیا!

یہ دور ہے افراتفری کا
اور وقت ہے نفسانفسی کا

کچھ ہوش نہیں انسانوں کو
خطرہ ہے سب کی جانوں کو

دھارے سب اُلٹے بہتے ہیں
انسان پریشان رہتے ہیں

اِک خوف سا سب پہ چھایا ہے
چہرہ چہرہ مُرجھایا ہے

جانے کب وہ وقت آئے گا؟
ابن ِ آدم  مسکرائے گا!

یہ سوچ لگی سی رہتی ہے
اور دل کو اذیت دیتی ہے

کیوں دنیا میں اندھیرا ہے؟
کیوں ظلم نے سب کو گھیرا ہے؟

آواز یہ دل سے آتی ہے
اور راز مجھے بتلاتی ہے

دین ہم نے اپنا چھوڑ دیا
قرآن سے رشتہ توڑ دیا!